Алармантни податоци, Црна Гора ќе спушта рампа за дел од српските сокови

Добивај вести на Viber

Ако не е точна содржината на декларациите, во Црна Гора нема да смеат да влезат соковите на одредени српски произведувачи. Црногорците предупредуваат дека произведувачите мора да ги усогласат декларациите со она што реално го содржи сокот, а ако тоа не го направат следните 2 недели, можна е привремена забрана на увозот на овие српски сокови. Ваквата реакција, вели министерот за стопанство, Предраг Ивановиќ, доаѓа по извршената анализата за квалитет на соковите која покажала дека дел од производителите ги доведуваат во заблуда потрошувачите. Проблематични биле сокови од два производители од Србија и еден од подрачјето на Косово, кои немале доволен процент на овошје. „Анализите утврдиле дека производите имаа од два до 25 отсто овошје, наместо декларираните 50 до 100 отсто“, рекол Ивановиќ. Тој истакна дека е утврдено дека на домашниот пазар се продаваат неконкурентските производи, па затоа они што имаат квалитет се соочуваат со нелојалната конкуренција. „Овошните сокови ја немаат содржината на природни сокови кои што се истакнати на декларацијата. Тоа го докажа истражувањето на лабораторијата во Берлин, но и на Центарот за екотоксиколошки истражувања. Анализите покажаа дека на пример соковите од праска и јаболко кои што ги произведува „Таково“ немаат природно овошје, во содржина од 50 проценти, слично е и со останатите произведувачи“, вели Петровиќ кој додава дека ваквите сокови не се опасни по здравјето, па затоа не може да се донесе одлука за нивно повлекување од пазарот.