Албанските синдикалците на протест, бараат обединување за поголеми работнички права

Добивај вести на Viber

И во Тирана денеска се одржаа неколку првомајски протести. На плоштадот „Непознат војник“, конфедерацијата на синдикати организираше протест каде што вети дека ќе се бори против искористувањето на работничките права.

Според Кол Никола, претседателот на Конфедерацијата на синдикатите, потребо е обединување за подобра заштита на работниците.

„Партиите на врата ни чукаат само кога им требаат гласови. Трудот на жените работнички, конфекционерки се искористува. Да бидеме обединети против искористувањето на нашиот труд“, побара претседателот.

Како што посочија претставниците на синдикатот, албанските работниците денес добиваат мали плати, а дополнително им се загрозени и животите на работните места.

За време на протестот беа извикувани пароли „Да живее Први Мај“, „Долу капитализмот“, а во раце учесниците држеа транспаренти „Слобода на работникот, општествена слобода“, „Да живее комунистичката партија“.

И Комунистичката партија организираше протест на улицата „Драч“ при што учесниците се задржаа пред зградата на Театарот и операта, држејќи пароли посветени на Први мај. Исто така протест организираше и движењето „Доста“ („Мјафт“) чии активисти протестираа на плоштадот „Скендербег“.