Алексис Ципрас – Лидерот кој ја сплотува еврозоната

Добивај вести на Viber

Алексис Ципрас стана еден од нај-контроверзните лидери во Европа во најдобрата надеж за еврозоната. Владините претставници во Париз и Берлин објавија дека лидерот на „СИРИЗА“ успеал да изгради однос на доверба со претседателот на Франција, Франсоа Оланд и германската канцеларка Ангела Меркел по долгите ноќни седници. Така Оланд и Меркел јавно почнаа да го гледаат како најспособниот политичар да оствари програмата за реформи, од која се очекува да доведе до економски пресврт, пишува „Bloomberg“.

Според изворите на новинската агенција Ципрас е најдобар залог за обезбедување на стабилност по изборите на 20 септември.

„Има пристојна шанса дека оваа програма ќе се реализира, без оглед на исходот на изборите“, коментирала Меркел оваа недела. Според неа Ципрас ги потврдил обврските дека ќе ја оствари оваа програма.

Политичката трансформација на Ципрас, кој во јануари дојде на власт со категоричката позиција да се спротивстави на мерките за штедење, доведе до доделувањето на трета спасувачка програма во вредност од речиси 86 милијарди евра.

„СИРИЗА“ се раздели на две со можноста за воведување на новите мерки што ги бара во замена на спасителното финансирање, вклучувајќи ја распродажбата на државни средства и промената на великодушниот пензиски систем. Податоците од истражувањата на јавното мислење покажуваат дека нема да има јасен излез од гласови.

Ако победи, Ципрас има шанса да биде „многу силен лидер за реформи“, коментира Јенс, заменик на германскиот министер за финансии Волфганг Шојбле, во интервју за „Bloomberg“.

Тивката поддршка за враќањето на Алексис Ципрас на власт е сериозен пресврт. Германски и француски лидери сепак е малку веројатно да го поддржат јавно, бидејќи неговата партија е премногу различна од политичкото семејство на социјалистите на Оланд и демохристијаните на Меркел.

Портпаролот на францускиот претседател коментира дека грчкиот народ ќе мора да избере нови лидери - позиција, потврдена и од кабинетот на германската канцеларка. Берлин и Париз се категорични, исто така, дека постигнатиот договор за третата спасувачка програма ќе се применува дури и во случај на поинаков избор.

Истовремено се појавија информации дека Европската централна банка (ЕЦБ) ја намалила големината на итното финансирање и располагање на грчките банки. Висината на итната помош е намалена за 600 милиони евра до 89,1 милијарди евра, според запознаени извори кои побарале анонимност.

Оваа висина ќе остане во сила до следниот состанок на Управниот одбор на ЕЦБ, закажан за 16 септември.

Во август одливот на депозити од грчките банки е забавен до околу 300 милиони евра. Во последниве месеци Грците повлекоа околу една четвртина од нивните заштеди во банките поради шпекулациите дека депозитите ќе се користат за спасување на банките или ќе бидат деноминирани во драхми при евентуално излегување на земјата од еврозоната.