Алијанса за Албанците го формира тимот за преговори со Владата
Објавено во: Македонија 28 Јануари, 2023
Алијанса за Албанците по одржаното Централно претседателство, формира тим од самиот врв на партијата, кој ќе преговара за евентуалното влегување на партијата во Владата.
Лидетот Арбен Таравари по синоќешната средба на партиското претседателство во Тетово, изјави дека денеска и во деновите од викендот ќе се прецизира стратегијата со која ќе настапат во преговорите, кои ќе бидат нивните барања и приоритети, а потоа и за кадровските решенија.
Таравари заедно со уште пет најблиски соработници ќе преговараат дали нивната партија ќе стане дел од Владата и ќе се прошири владиното мнозинство. Покрај претседателот, двата секретара и тројцата потпретседатели се дел од тимот за преговори.
Барањата се подготвени со стратегија и постопи можност да не успеат, односно се остава простор АА да остане во опозиција.
-Денеска, утре и задутре, ние ќе седнеме,веќе имаме стратегија, но уште еднаш ќе направиме што планираме да биде програма на Владата ако се прошири и кои ќе бидат нашите услови. Понатаму и за кадровските решенија ќе зборуваме. Ако ни ги исполнат барањата посебно програмските барања, не толку кадровски, тогаш ќе ги слушнеме и членовите на АА и ќе донесеме одлука дефинитивна, јас се надевам не за долг период, за многу кратко ќе се одлучи ова или сме или продолжуваме во опозиција ние сме навикнати на опозиција не ни е проблем тоа, рече Таравари.
Т