AMЕРИКА ПРЕД УЖАСЕН ИЗБОР: Долари или куп мртви од коронавирус

Добивај вести на Viber

Колку животи вреди економијата? Ова не е академско прашање или клише, туку ова е прашање кое американскиот претседател Доналд Трамп го повлекува во своите одлуки околу пандемијата на коронавирусот и одговорот на неа, пишува Индекс, хр. 

Трамп воведе мерки за социјална дистанца, вклучувајќи ја и одлуката за затворање на деловните простории, настава од дома, да се избегнува собир на 10 луѓе, одење во ресторани и барови, и самоизолација за старите, хронично болните и заразените. 

Иако овие мерки траат 15 дена и се многу поблаги од мерките во другите земји, се чини дека Трамп од нив се засити. 

Загрижен поради тешките економски последици и „затворањето“ на нормалниот живот, Трамп најверојатно нема да ги продолжи овие мерки откако ќе истечат в понеделник. 

За Трамп карантинот е полош лек и од самиот проблем. 

„Не можеме да дозволиме лекот да биде полош од самиот проблем. На крајот на 15-дневниот период, ќе донесам одлука во која насока да се движиме“, вели тој. 

Toj во јануари, февруари и почетокот на март упорно ја намалуваше заканата која од пандемијата се очекува да ги зафати САД. 

Ги убедуваше граѓаните дека неговата администрација е подготвена и дека во април коронавирусот ќе исчезне како чудо и дека одат надолу, а не нагоре со бројот на заразени. 

Кризата може да биде поголема од голема депресија. 

Ова „затворање“ на американското општество може да придонесе за голема економска криза, поголема од онаа од 2008 година, или од депресијата од 1929 година. 

Со ист или сличен економски колапс може да се соочат и други земји, но и Хрватска. 

Хрватска зависи од туризам и ќе биде погодена ако пандемијата не се реши до летото. 

Но, твитот на Трамп го поставува прашањето колку животи вреди економијата. 

Но, прашањето воопшто не е едноставно затоа што економската стагнација и безнадежноста исто така убиваат луѓе. 

САД во меѓувреме се обидува да го олесни економскот удар, со помош за фирмите и за граѓаните. На семејствата еднократно им се исплатени по 3.000 долари.