АМЕРИКАНСКИ ЕКСПЕРТ ЗА ТЕРОРИЗАМ: Гробот на Салопек веројатно никогаш нема да биде најден!

Добивај вести на Viber

Додека безбедносните служби и понатаму ги проверуваат информациите за егзекуцијата на Хрватот Томислав Салопек, американски експерт за исламски тероризам Бил Роџио вели дека е најмалку веројатно сценариото џихадистите да го предадат телото на личноста чии фотографии ги објавија.

Тој за ХРТ изјавил дека таканаречената Исламска држава никогаш досега не вратила ниту едно тело на заложник - Американец, Британец, јордански пилот.

„Телата обично се оставани на непозната локација“, вели американскиот експерт.

Да потсетиме, дека уште нема официјални потврди дека Томислав Салопек е убиен, но се појавија нови детали за околностите на киднапирањето. Киднаперите ја контактирале француската компанија „Compagnie Generale de Geophysique“ за која Томислав работел во Каиро. За неговото ослободување барале милионска сума, а од компанијата не ја откриваат бројката.

Портпаролот на компанијата изјавил дека цело време биле во контакт и со хрватски и со француски власти, а првиот одговор кој киднапрерите му го испратиле е ден после барањето за откуп.

„Тоа барање го примивме неколку минути откако киднаперите стапиле во контакт со сопругата на Томислав. Барањето не било потпишано, немавме никаков контакт освен имеил адреси. Следното утро одговоривме на маил и побаравме од киднаперите да потврдат дали Томислкав е жив и им дадовме број да не повикаат. Тој меил го праќавме секој ден, не добивме никаков одговор“, вели портпаролот на ЦГГ Кристов Барнини.