Андреас Лубиц добил „SIC“ код кој препорачува специјални, редовни медицински прегледи
Објавено во: Свет 02 Април, 2015
Германскиот пилот Андреас Лубиц, кој е осомничен за намерно уривање на авионот А320, имал издаден документ, според кој пилотот требало да се наоѓа под редовен лекарски надзор, пренесува „Die Welt“.
Лубиц ги прекинал студиите за летање во училиштето на „Луфтханза“ за период од шест месеци, по што тој ги положил не само тестот за медицинска способност за пилоти, но помина низ преглед и кај психолози.
Резултатите од извештајот покажуваат дека на Андреас Лубиц му е дозволено да ги продолжи своите студии, но добил „SIC“ код, кој препорачува „специјални, редовни медицински прегледи“. Овој код е наведен во неговото сведоштво за пилот, но не и во медицинскиот сертификат.
Кодот „SIC“ се смета за знак на сериозна болест, поради што пилотот треба да се гледа со претпазливост за време на редовните прегледи. Од почетокот на кариерата во „Џерманвингс“ во 2013 година Лубиц е ревидиран два пати - во август 2013 година во Франкфурт на Мајна и една година подоцна во Минхен.