17 Февруари, 2020
0.0328

Анелија Митрова: Да се искористи и потенцијалот на младите за иновации и социјално претприемништво

Објавено во: Македонија, Интервјуа 27 Јануари, 2020

Социјалното претприемништво може да понуди многу решенија за одржлив развој за отворање на нови можности за младите генерации да ги реализираат своите бизнис идеи до дополнителна вредност во општеството. Затоа овие заложби мора да се преточат и во формалното образование, но и да се создаде пристап до финансии, како и и менторски програми за младите да стекнат соодветни вештини. Со Анелија Митрова од Младински сојуз разговараме за искористување на потенцијалот на младите во Македонија, за подобрување на образованието и нивна вклученост во креирањето на политики соодветни на целите на развој.

Фактор: Може ли социјалното претприемништво да се вметне во формалното образование и кои перспективи ги гледате вие од еден ваков потег?

Митрова: Решавањето на  најгорливите социјални и еколошки предизвици со кои се соочуваме денес ќе бараат идни генерации на социјални иноватори и креатори на промени. А каде идните генерации да ги стекнат потребните вештини и знаење ако не преку формалното образование. Затоа сметам дека не само што може  социјалното претприемништво  да се вметне во формалното образование туку дека во следните 10 години ќе стане нужна потреба. Зошто имено и една од главните препораки од конференцијата “DIVE 3: Zero to One > 1 to N” која ние во Младински Сојуз ја организравме минатата година беше вментнувањето на социјалното претприемништво во формалното образование и реформи на наставните програми. Формалното образование е систем кој треба да цели кон оспособување на идните генерации од најмала возраст кон решавање на општествените проблеми и предизвици и токму социјалното претприменштво може да придонесе кон градење на капацитите нa младите да креираат инвовативни решенија.

Фактор: На кој начин треба да се поддржат идеите за социјално претприемништво и колку истите може да отворат нови можности за младите?

Митрова: Социјално претприемништво е се уште нов концепт и малкумина се охрабруваат да оснооваат социјално претприемништво, затоа системот на поддршка е многу важен. Социјалното претприемништво ги поттикнува младите да размислуваат „out of the box“ и наместо да чекаат некој да го препознае нивниот квалитет и да им даде работа, сами да го креираат своето работно место. Најдоброто нешто во врска со миленијалците е што тие не само што се поприлично претприемачки насочени, туку тие исто така се општествено одговорни, па затоа здрав екосистем им е потребен за реализација на своите идеии. Градењето на инклузивен екосистем за социјално претпимништво најмногу зависи од меѓусекторската соработка и поддршка, на младите и на потенцијалните социјалните претприемачи им треба пристап до учење и менторски програми за да можат лично да се развиваат и подобро да ги реализираараат своите идеи. Секако е потребна и системска поддршка, односно механизми и пристап до финасии достапен.  Во последните години доста внимание и ресурси се посветени на социјалните инвестиции но, честопати фондовите се несоодветни или недостапни за основање на свое претпријатие.

Фактор: Вашата работа директно е поврзана со младите, а еден од главните проблеми е нивното иселување. Како младите да се задржат во државата, треба ли да се подобри сеопфатниот пристап во креирање на соодветни политики и создавање на услови за нивна вклученост во процесите?

Митрова: Како младите да се задржат во државата? Прашање кое секојденвно го слушаме, а и неретко сами на себе си го поставуваме. Младите не треба никаде да се задржат, треба да им се даде слобода и избор на одлучување, но мора да се креираат соодветни политики и услови за младите доколку сакаат да останат тука да имаат можности и иднина. Сметам дека политиките треба да почнат да се креираат на локално ниво,  бидејќи младите имаат силна недовербаво носителите на одлуки и во институциите особено на локално ниво. Политиките за млади треба да бидат насочени кон градење на помалите средини атрактивни за живеење и тие мораат да бидат вклучени во процесите затоа што на нас младите ние преку глава од закони и политки кои не ги адресираат нашите потреби. Впрочем и една од главните заложби на Младински Сојуз во последниве година е да гради “Градови пријатели на младите“. Што тоа значи? Градови односно општини кои ќе креираат политика за конкретна финансиска поддршка на младите луѓе како и соработка со локалната младинска заедница. Политиките трба да поддржуваат социјални иновации, градот треба да инвестира во идеи за млади и да поддржува старт-апи од младите луѓе во било која тема со цел да се создадат нови можностие за младите.  Неопхпдна е отворена дебата со локалната младинската заедница или уште подобро, отворен дијалог со локалната младина со цел да се создаде структура за соработка со локалната младина.

Фактор: Кои се вашите препораки за реформи во образованието, како до создавање пред се на позитивна образовна средина во која учениците ќе просперираат, но и ќе добијат современи компетенции кои одговараат на потребите на бизнис секторот и пазарот на труд?

Митрова: Образованието е главно заглавено во историјата, а не за тоа каде се младите денес и што им треба за во иднина.  Старомодниот образовен систем и добропознатиот совет „заврши си факултет најди си работа во адмистрација е предизвик со кој што се сочуваат младите луѓе. Реформата во образованито треба да се фокусира кон стимулирање на критичко размислување, будење креативност и имагинацијата како и соработка и комуникација со професорите наместо учење на послушност и дисциплина. Образованието од 21 век е за оспособување на студентите со вештини што им се потребни за да успеат во дигитална ера и да бидат атрактивни на пазарот на труд и да им помогне да ја зголемат довербата за да ги практикуваат тие вештини. Со толку многу информации што им се достапни, вештините од 21 век се повеќе се фокусираат на смислување на тие информации, споделување и нивна употреба на паметни начини. Само и само го модернизираме образовнието ќе успееме да го синхронизираме со потребите на пазарот и идните работни места. 

Х.С.

Можеби ќе ве интересира

ЕДЕН МЕСЕЦ КАКО ЈА НЕМА - мистеријата продолжува, по Марија уште се трага

ЕДЕН МЕСЕЦ КАКО ЈА НЕМА - мистеријата продолжува, по Марија уште се трага

120.000 евра народни пари за џез и за музика од светот: Министерството за култура ја објави годишната програма

120.000 евра народни пари за џез и за музика од светот: Министерството за култура ја објави годишната програма

Анкета на Рејтинг - 32 на 27: Заев би бил подобар премиер од Мицкоски

Анкета на Рејтинг - 32 на 27: Заев би бил подобар премиер од Мицкоски

ГО СЛЕДЕЛЕ ТАЈНИ АГЕНТИ И ГО СНИМИЛЕ КАКО ОДИ КАЈ ЈАНЕВА - каде се движел Боки 13

ГО СЛЕДЕЛЕ ТАЈНИ АГЕНТИ И ГО СНИМИЛЕ КАКО ОДИ КАЈ ЈАНЕВА - каде се движел Боки 13

Мицкоски: Ги прифаќам и двата ТВ-дуели со Заев

Мицкоски: Ги прифаќам и двата ТВ-дуели со Заев

ШТО ПОБАРАА ПЕНЗИОНЕРИТЕ - и повисоки пензии, ама и стабилен систем

ШТО ПОБАРАА ПЕНЗИОНЕРИТЕ - и повисоки пензии, ама и стабилен систем

Трупот пронајден на Шар Планина, не е на планинар, туку на залутан Сириец

Трупот пронајден на Шар Планина, не е на планинар, туку на залутан Сириец

(ФОТО) РЕТКИ И АТРАКТИВНИ: Африкански пингвини ќе се шетаат низ Скопската зоолошка градина

(ФОТО) РЕТКИ И АТРАКТИВНИ: Африкански пингвини ќе се шетаат низ Скопската зоолошка градина

ЕВЕ КОИ СЕ ПЕТТЕМИНА ПРАТЕНИЦИ - или „лошо стиснаа“, или ги изневери системот

ЕВЕ КОИ СЕ ПЕТТЕМИНА ПРАТЕНИЦИ - или „лошо стиснаа“, или ги изневери системот