Анѓушев до антикорупционерката Ивановска: Не сум сопственик на ЕУРОНИКЕЛ (ФЕНИ), каде на други места давате неточни податоци за мене?

Добивај вести на Viber

Од Фероинвест стигна соопштение, односно реакција во однос на гостувањето на претседателката на Државната комисија за спречување на корупцијата, Билјана Ивановска, во дебатната емисија Топ тема емитувана на ТВ Телма на 6 декември 2023 година, кадешто таа, како што велат од компанијата, изнела неточни информации поврзани со сопственикот и извршен директор на групацијата Феро Инвест, проф. д-р Кочо Анѓушев.

Линк до емисијата Топ тема на You tube , реакцијата се однесува на излагањето на претседателката на ДКСК за поврзаноста на проф. д-р Кочо Анѓушев со Еуро Никел/Фени индустри кое започнува од 25 минута и 9 секунда од видеото.

*****

„Кочо Анѓушев ги демантира и ги отфрла тврдењaта на Билјана Ивановска, претседател на Антикорупциската комисија, дека Анѓушев е сопственик на фирмата ЕУРОНИКЕЛ, (фирма која е сегашен сопственик на поранешно ФЕНИ). Ова незамисливо тврдење е изречено јавно од претседателот на најзначајното тело за борба против корупција во државата на реномираната емисијата Топ Тема на сериозна телевизија, ТВ Телма.

,,Не сум сопственик, ниту сум имал ниту имам некаква сопственичка врска со Фени и Еуроникел и антикорупциска комисија си има документи од кои се гледа кој е сопственик. Тие документи се наоѓаат во Централен Регистар и секој граѓанин може да ги види. Не можам да разберам зошто Ивановска го зборува ова” - прашува Анѓушев.

И во телефонски разговор со претставник од Фероинвест кој и предочи дека податокот не е точен, Билјана Ивановска продолжи да застапува став дека Анѓушев е сопственик, потоа дека нејзината изјава не е од значајна важност, па се до ставот дека не мислела на начин како што ја изнела изјавата.

Сметаме дека е важно да се знае каде на други места Билјана Ивановска дала ваква погрешна информација и тврдења за Кочо Анѓушев, пред кои институции, пријателски држави и други инстанци“, се вели во реакцијата од Фероинвест.