АРИФ АЛИЛИ ОД КИЧЕВО ИЗБЕГАЛ ОД ЗАТВОРОТ ВО ШУТКА НА ПЕТ МЕСЕЦИ ПРЕД ИСТЕКОТ НА КАЗНАТА? - Стоилковски од ВМРО-ДПМНЕ со детали
Објавено во: Македонија 30 Јануари, 2023
Опозицијата обвинува за ново бегство на затвореник.
„Уште еден затвореник му избега на „Сокол“ од затворот Скопје во Шуто Оризари. Второ бегство за две недели. Пред два дена од затворот каде директор е Филип Андов Сокол, избегал Ариф Алили од Кичево. И Алили, најновиот бегалец од затворот под окото на Сокол, како и бегалецот од пред две недели бил дел од таканареченото „слободно одделение“, изјави портпаролот на ВМРО-ДПМНЕ, Наум Стоилковски.
„Ова повеќе не може да се гледа како случајност, ова се системски пропусти, ако не и намерни системски пропусти. Ова повеќе не е држава, туку територија на мафијата, во којашто затвореници кога сакаат непречено излегуваат од затвор. Пред само две недели од Шутка си замина Нафи Абдиовски, затвореник со цел фотоалбум со цело СДС, власта му премолче на миленикот Сокол. Сега се случува уште едно бегство, а власта пак молчи и се крие“, рече Стоилковски.
Тој прашува „Уште колку затвореници треба да излезат од Шутка за да се побара одговорност? Мора ли крв да падне, како во Идризово, за да се реагира?“, вели Стоилковски, велејќи дека „СДС се уште си го чува Сокол за директор, а во затворската полиција луѓе коишто по наредба и по потреба ги обезбедуваат собирите на СДС“.
„Затворите станаа решето, од нив бега секој што има врска со СДС, мафијата и нивните структури распоредени во затворската хиерархија. “, вели Стоилковски.