Добивај вести на Viber
Украина оваа година може да избегне банкрот ако договори ангажман со ММФ и добие стабилизациски заем од таа меѓународна финансиска институција, изјави во Киев претседателот на националниот Совет на банкарските организации Станислав Аржевитин. Тој тврди дека неговата земја до крајот на оваа година тешко ќе ја одржи макроекономската стабилност и ќе избегне финансиски слом ако брзо не постигне договор со ММФ за нов заем. Споре Аржевитин украинската влада на секој начин ќе се обиде да избегне колапс на државните финансии и во таа цел, ако не се склучи аранжман со ММФ, можеби ќе дозволи и нагло обезвреднување на курсот на националната валута – гривната.