Астрономски скок, Кина ги множи доларите
Објавено во: Економија 09 Март, 2015
Трговскиот суфицит на Кина во февруари достигна рекордни 60,6 милијарди долари благодарение на силниот раст на извозот и намалување на увозот.
Извозот на Кина во февруари, на годишно ниво, се зголеми за 48,3 отсто на 169.2 милијарди долари додека увозот се намали за една петтина до 108.6 милијарди долари, соопштила кинеската царинска служба, пренесува британскиот јавен сервис "Би-Би -Си".
Во февруари минатата година, трговскиот суфицит на Кина изнесувал 8.9 милијарди долари, додека во првите два месеци од оваа година, трговскиот суфицит достигна 120.7 милијарди долари, после јануарискиот суфицит од 60 милијарди долари.
Економијата на Кина минатата година се зголеми за 7,4 отсто, најбавното темпо во последните 25 години, а најновите показатели укажуваат дека успорувањето на економијата продолжува.