Австралија: Запленета дрога во вредност над 800 милиони
Објавено во: Свет 22 Декември, 2017
По петмесечна комплексна истрага конечно е разбиена мрежа за криумчарење на дрога.
Австралиската полиција запленила 1,2 тони метамфетамин, чија вредност во нарко пазарот се проценува на 802 милиони долари.
Дрогата е запленета во западниот дел на Австралија.
Од полицијата посочуваат дека метамфетаминот бил пренесен до Австралија со чамец, а потоа префрлен во комбе.
Покренати се обвиненија против осум лица со потекло од Австралија. Тројца од нив биле уапсени во комбето, каде е пронајдена и дрогата, тројца во чамецот со кој е пренесувана и двајца во хотел во Перт.