АВСТРИСКАТА ПОЛИЦИЈА ИЗЛЕЗЕ СО СТАВ: Дали девојчето снимено во Виена е Данка?
Објавено во: Балкан 02 Април, 2024
Не можеме со 100 отсто сигурност да кажеме дали исчезнатото девојче е на видеото, изјави денеска за Клајн Цајтунг портпаролот на виенската полиција, Маркус Дитрих.
Тој рече дека австриската полиција се обидува да го потврди идентитетот на девојчето од видеото со помош на достапната технологија.
„Човекот кој го направи видеото е сослушан и во моментов нема други сведоци. Приоритет на полицијата е да го пронајде девојчето од видеото и двете жени со кои била. Истрагата е во тек и нашите детективи добро напредуваат. Штом имаме нови информации, веднаш ќе ја информираме јавноста“, изјави портпаролот на виенската полиција.
Српски државјанин во Виена за време на викендот сними видео од дете кое личи на Данка и две жени од Романија кои беа со него.Данка Илиќ исчезна во вторникот во близина на Бор.
Семејството на Данка се жали дека во медиумите имало многу шпекулации.