Добивај вести на Viber
Автобуската линија Истанбул-Македонија-Албанија е една од рутите по кои илегалните имигранти, пред се Курди, се префрлаат кон западноевропските земји, пишува црногорскиот весник „Вијести“.
Според весникот, откако со автобус ќе стигнат преку Македонија во Албанија, имигрантите потоа се префрлаат со автомобил во Црна Гора, од каде продолжуваат кон Хрватска, Словенија или Италија.
Како што пишува весникот транспортот на илегалните мигранти чини од 3.500 до 4.000 по човек.
Освен оваа, според информациите на „Вијести“, има уште две рути за транспорт на Курдите. Едната е од Албанија преку Црна Гора кон Србија, а потоа кон Австрија преку Белград или Суботица. Другата е со авион од Истанбул до Подгорица, потоа со возила од Црна Гора до БиХ и Хрватска, а крајна дестинација е Италија.
Текстот се повикува на полициски документи, според кои Македонија е една од земјите за транзит.