Балканскиот минималец под секој минимум, во Македонија најнизок!
Објавено во: Анализа 16 Март, 2015
Минималните заработки во земјите на Балканот се меѓу најниските во Европа, а рекордно ниски минималци примаат граѓаните на Косово, Македонија и Албанија, додека убедливо најголеми се во Хрватска.
Највисока месечна минимална плата во ЕУ е во Луксембург и изнесува 1923 евра, што е речиси 15 пати повеќе од најниската минимална плата на Балканот.
Според најновите податоци на Евростат, минималната плата во Косово се движи од 130-170 евра. Со оглед на фактот дека платите во јужната српска покраина Косово, се филтрираат низ косовскиот финансискиот систем, а анализи прават на меѓународни институции, оваа статистика се пренесува самостојно, одделно од податоците за Србија.
Во Македонија, минималната месечна плата е 131 евра, 149 во Албанија, додека во Србија, минимумот е 174 евра. Меѓу другите земји во регионот, минималната плата во Црна Гора е 193 евра месечно, додека во Босна и Херцеговина 191 евра.
Експерт од областа на развојната економија Златно Хуртиќ во разговор за Анадолија истакнал дека повеќето земји од регионот, се меѓу најниските во Европа. Највисоката минимална плата на Балканот ја примаат работниците во Хрватска, каде што минималецот, како што наведува Евростат е 396 евра.
Според најновите податоци на Евростат, минималната месечна плата во Европската унија се движи од 184 евра во Бугарија до високи 1923 ерва во Луксембург,.
Минималната плата законски е регулирана во 22 од 28-те земји членки на Европската унија. Во земјите каде што минималната плата не е предвидена со закон, пресметки се вршат врз основа на бројот на работни часови месечно.
Најниска минимална плата во ЕУ примаат Бугарија (184 евра), Романија (218), Литванија (300), Чешка (332), Унгарија (333), Литванија (360), Словачка (380), Естонија (390), Хрватска (396) и Полска, чии граѓани добиваат минимална плата од 410 евра.
Следат Португалија (589 €), Грција (684), Малта (720), Шпанија (757) и Словенија (791 евра). Во седум земји на ЕУ минималната плата е над 1.000 евра. Значи луѓето во Велика Британија добиваат минимална плата од 1379 евра, следува Франција со 1458, Ирска со 1462, Германија 1473, Белгија и Холандија во 1502 и Луксембург со 1923 евра.
За споредба, минималната плата во САД во јануари 2015 година изнесува 1.035 евра. Во Турција, минималната плата се движи помеѓу 434 и 460 евра, во зависност од сезоната.
