Добивај вести на Viber
Почина новороденче од сепса, а мајката ја обвинува Прилепската болница.
Бебе старо 10 дена кое е родено во Прилеп, почина од сепса на Детската клиника во Скопје. Според мајката на детето, која случајот го обелодени на Фејсбук, за смртта на нејзиното трето дете, виновни биле лекарите во прилепската болница. Вели дека на 27 октомври родила здраво машко дете со АПГАР 10, а по два дена лекарите и кажале дека новороденчето треба да оди на зрачење поради жолитца. Процесот траел цела ноќ, а детето е препратено на лекување во Скопје.
Од детската клиника велат дека новороденчето е донесено во тешка состојба, на кислородна поддршка. Продолжило да дише со помош на респитарот, а во меѓувреме кај бебето откажале и бубрезите. По седум дена од приемот, бебето починало.