Бебе старо само 23 дена почина во Загреб, се тврди дека било заразено со корона
Објавено во: Балкан, Корона Вирус 03 Ноември, 2021
Во хрватскиот главен град Загреб почина бебе старо само 23 дена. Дел од медиумите пишуваат дека било заразено со коронавирусот.
Тоа починало во саботата на Клиниката за инфективни болести „Др. Фран Михаљевиќ“ во Загреб, јавија хрватските медиуми.
„Се утврдуваат сите околности на смртта, а по неопходната анализа на комплетната медицинска документација и евентуалните дополнителни процедури, јавноста ќе биде информирана за причините за смртта“, се наведува во соопштението од Клиниката.
Болницата ги истражува причините за смртта. Во вторникот наутро на Клиниката починала и мајка која била приклучена на апарат за кислородна поддршка.