Бебе загина во руски напад во Запорожје
Објавено во: Свет 23 Ноември, 2022
Во руски напад на Запорожје загина бебе, а неговата мајка преживеа.
Новороденче е убиено во руски ракетен напад врз породилно одделение во јужниот украински регион Запорожје, објавија службите за итни случаи, пренесува „Би-би-си“. Од под урнатините се извлечени мајката на бебето и лекарот. Украинскиот претседател Володимир Зеленски ја обвини Русија дека носи „терор и убиства“.
Украинските служби за итни случаи соопштија дека руските проектили го погодиле породилното одделение на болницата во градот Вилњанск. И покрај тоа што овој дел е под контрола на Украина, целата област Запорожје е преземена од Русија по референдумите во септември. Досега над 6.500 цивили загинаа во Украина, но се смета дека бројката е поголема. Руската инвазија на Украина почна на 24 февруари.
Украинците претресуваа и манастир во Киев, затоа што сметаат дека таму имало оружје.