БЕГ тужи во просек за неплатени 3.000 денари
Објавено во: Економија 14 Декември, 2020
Балкан Енерџи Груп втора година по ред прикажува загуба за изминатата година. Снабдувачот на топлинска енергија во 2019 остварил загуба од 183.211.000 денари. Тоа е уште поголема загуба од 2018, кога минусот што беше покажан изнесуваше 135.927.000 денари. Последен пат БЕГ прикажа добивка за 2017, кога истата изнесуваше 50 милиони денари.
Приходите на лиценцираниот стопанственик на градската мрежа за парно-греење во Скопје минатата година остварил приходи од 1.410 милиони денари, што е за 50 милиони помалку од една година претходно, покажува консолидираниот извештај објавен на Македонска берза. Трошоците се поголеми и изнесуваат 1.593 милиони денари или речиси исто како и во 2018.
Набавената топлинска енергија чинела 411 милиони денари, или околу 20 помалку од една година претходно, но суровините чинеле 710 милиони денари, односно 150 милиони повеќе биле потрошени во споредба со 2018.
Во текот на 2019 имало 96 исклучувања на барање на домаќинства и 20 на правни лица од системот, споредбено со 289, односно 24 во 2018. Од таму велат дека е забележан повисок процент на наплата во однос на една година претходно и кај домажинствата и кај правните лица.
„Наплатата на месечните задолженијата кај категоријата домаќинства, на крајот од годината
покажува вкупен просечен процент од 93, 99 отстпроценти, што е релативно висок и речиси еднаков во
споредба со минатата година, кога истиот изнесуваше 93, 71 %. Остварениот процент на наплата е
постигнат со континуирана и посветена работа како и преземање на низа мерки и инструменти
кои беа во насока на подобрување на наплатата“, тврдат од БЕГ.
Кај нотарите биле поднесени 8601 тужби за неплатени сметки од потрошувачите. Главниот долг на тужените побарувања изнесувал околу 30 милиони денари, што е доста помал од година дена претходно, а нотарите наплатиле околу 6,2 милиони денари како награда. Во просек следува пријава кај нотар на секои безмалку 3.500 денари.
Сепак кај извршителите завршиле 3.030 тужби и тоа сите, освен една, против домаќинства во вредност на главен долг од 9,3 милиони денари. Тоа е во просек по една тужба за неплатени 3.000 денари. Во 2018 имало само 495 пријавени домаќинства за присилна наплата за вкупен долг од 6,55 милиони денари.
А.К.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ВОЗАЧИ, ЕВЕ ШТО ТРЕБА ДА ЗНАЕТЕ КОГА УТРЕ ЌЕ ОДИТЕ НА БЕНЗИНСКА - Регулаторна со нови цени на горивата
Еве ги најголемите економски патриоти! Кои се најголемите македонски извозници меѓу котираните компании?
МИЦКОСКИ КАЖА КОГА КОНЕЧНО ЌЕ СЕ ДЕФИНИРААТ УСЛОВИТЕ ЗА УНГАРСКИОТ КРЕДИТ: Еве што најави
ШТО Е ТОА ШТО ГИ РАЗЛИКУВА „ТЕМУ“, „АЛИЕКСПРЕС“ И „ШЕЈН“: Голема трка за новиот кинески император
ВО СРЕДА ЌЕ ИМА ЈАВНА БЕРЗАНСКА АУКЦИЈА ЗА 9,83 ОТСТО - кој ќе искешира 7,34 милиони евра за акции на „Македонијатурист“
БАНКРОТ НА ЕВРОПСКИОТ ГИГАНТ ЗА БАТЕРТИИ: Директорот поднесе оставка откако се тргна надолу
Должник на МЕПСО од Косово пред суспензија од пазарот за електрична енергија
ОВА Е НАЈОМРАЗЕНИОТ ЧОВЕК НА ВОЛСТРИТ: Трамп го номинираше за министер за трговија
