Бектеши најави колкаво поскапување на струјата се очекува
Објавено во: Економија 01 Јуни, 2023
Се спрема ново поскапување на струјата.
Министерот за економија Крешник Бектеши вели дека тоа поскапување ќе биде помало од 13 отсто. Деновиве енергетските оператори побараа далеку повисока цена на електричната енергија.
„Не е важно колку бараат тие, важно е колку ќе се одобри од страна на Регулаторната комисија за енергетика и која ќе биде цената која ќе ја утврди Владата на ЕСМ, која ќе ја даде кон универзалниот снабдувач во овој случај ЕВН, цена која важи за домаќинствата и за малите потрошувачи. Што значи дека 13 посто зголемување кое е барање од страна на енергетските компании, нема да се прифати најверојатно“, рече Бектеши.
Вчера првиот човек на Регулаторна комисија Марко Бислимовски сепак рече дека доколку се прифатат барањата на компаниите, струјата може да поскапи за 13 проценти.