Белата куќа заклучи дека Путин е виновен за соборувањето на авионот „MH17“

Добивај вести на Viber

Белата куќа соопшти дека рускиот претседател Владимир Путин е „виновен“ за соборувањето на малезискиот авион над воената зона во Украина и напомена дека ЕУ и Г7 работат на воведување нови санкции за Москва.

„Она што исто така го знаеме е дека авионот „Малезија ерлајнс“ е соборен со ракета која е исфрлена од земјата. Исфрелена е од земјата во подрачјето кое се наоѓа под контрола на сепаратистите и каде Украинците, всушност сами не користеле противавионско оружје во тој момент“, изјавил портпаролот на Белата куќа Џош Ернест.

„Затоа заклучивме дека Владимир Путин и Русите се виновни за оваа трагедија“, додаде тој.

Потпретседателот на САД Џозев Бјаден вчера разговараше со украинскиот претседател Петро Порошенко за истрагата на оваа несреќа, како и за политичката динамика во Украина, наведува Белата куќа во одвоено соопштение кое го пренесува Ројтерс.

„Претседателот Порошенко истакнал дека, и покрај распуштањето на владеачката коалиција во украинскиот парламент, владата ќе продолжи да работи на клучните економски реформи“, соопшти Белата куќа.

„Порошенко исто така, го известил потпретседателот Бајден дека Русија продолжила да ги обезбедува сепаратистите со тешки наоружувања и опрема и дека на украинските војници се повеќе и повеќе се пука од страна на руската граница“, наведува Белата куќа.

Бајден му рекол на Порошенко и дека САД работат со ЕУ и Г7 на воведување нови санкции на Русија поради „крајно дестабилирачките и неодговорни постапки во Украина“.