Белградскиот аеродром „Никола Тесла“ втор по квалитет во Европа!

Добивај вести на Viber

Заблагодарувајќи на гласовите од патниците, белградскиот Аеродром „Никола Тесла“ прогласен е за втор во Европа и седми во светот по квалитетот на услуги и инвестиции, покажало истражување од меѓународната агенција „I-Drims“, објави српската агенција Танјуг. Анкетирани се 14 милиони патници, а клиентите нагласиле дека во оценувањето главен критериум им бил комфорот и модерноста. Белградскиот аеродром ги претекнал дури и стокхолмскиот и амстердамскиот, а за да воопшто се најде на листата потребни биле многу нови инвестиции и зголемување на обемот на патници секоја година за 20%. Аеродром „Никола Тесла“, во последните две години доби нови содржини, како што се ВИП салон, салон за деца, голем фришоп, два ресторана, па патниците сега може многу повеќе време да поминат во таканаречената трансфер зона.. Исто така, завршена е и првата фаза од реконструкцијата на терминалот, воведена е современа електронска опрема за детекција на оружје и експлозив, реконструирани се тоалетите, а со новите додатоци на самите излазни терминали е создадена база за нов простор. Претходно е најавено продолжување со вложувањата во модернизација и инфраструктура и воведување на нови услуги и содржини. Планирано е отворање на продавници од најпознатите светски брендови, но и српски продавници, каде ќе се продаваат домашни производи, народни ракотворби и сувенири. Најавено е исто така дека за севкупната реконструкција на белградскиот аеродром во следните три години ќе бидат вложени околу 40 милиони евра од сопствени приходи, објави агенцијата Танјуг. Обработка Фактор