БЕСА по своја мерка ги скрои изборните единици

Добивај вести на Viber

Опозициската БЕСА направила своја анализа на шесте изборни единици и даде предлог како тие да се поделат по гласачки места со цел да се добие еднаков број на избирачи, а со тоа и подобра претставеност на гласовите изразена во пратенички мандати. 

- Направивме еден комплетен нов предлог за поделбата на изборите единици, врз основа на два основни принципи: еднаквост на гласот и општински сеопфатност во соодветната изборна единица. Врз основа на нашиот предлог, секоја општина во Македонија ќе биде во одредената изборна единица, а не поделени во две, како што беше случај досега со многу општини, и бројот на гласачите во секоја единица ќе биде избалансиран, како предуслов са фер и демократски избори, посочија од БЕСА.

Меѓу главните промени е што една општина целосно ќе влезе во одредена изборна единица наместо да биде поделена во две.

- Според нас, по новата поделба изборните единици и бројот на гласачите во секоја единица ќе изгледа на следниов начин. Следниов предлог ќе им биде испратен на четирите политички субјекти вклучени во процесот на Пржино, ДИК, дипломатскиот кор во државата, ОБСЕ-ОДИХР и релевантните меѓународни организации за избори“, соопштуваат од БЕСА.