БЕШЕ ПРВАТА МИС НА ФОТОГЕНИЧНОСТ, А ПОТОА СЕ ПОСВЕТИ НА ПРИВАТНИОТ БИЗНИС - како трагично го загуби животот српската убавица
Објавено во: Балкан 21 Мај, 2022
Мирјана Стојановиќ, мис на фотогеничност и финалистка на изборот за Мис на Србија во 2007 година, трагично го загуби животот во страшна сообраќајна несреќа што се случи вчера утрото, на 20 мај, на патот Прхово - Шимановци.
Имено, Мирјана беше финалистка на првиот официјален избор за Мис на Србија, уште во 2007 година, кога имаше само 19 години.
Таа пленеше со својата харизма, која подоцна ја потврди со титулата Мис на фотогеничност која ја освои.
Во последните години таа се повлече од јавниот живот и целосно се посвети на приватниот бизнис, односно на салонот за убавина кој го поседуваше.
Во текот на кариерата секако се истакнуваше со залагањето за природна убавина, а сега се појави видео како во далечната 2007 година се претстави на изборот за Мис на Србија.
Да потсетиме, автомобилот „голф“ управуван од Мира (34) се судри со камион. Од здобиените повреди починала на лице место.
Извор и фото: Курир.рс, Телеграф