Без оглас договорени јавни набавки вредни 14 милиони евра

Добивај вести на Viber

Во третиот квартал од година склучени се 210 договори во вредност од 14 милиони евра преку нетранспарентна постапка со преговарање без објавување оглас - констатираше во својот најнов извештај Центарот за граѓански комуникации. Вкупно во првите девете месеци од 2012 година вредноста на овие договори изнесува околу 32 милиони евра. (од почеток до овде телоп) Извештајот на центарот за граѓански комуникации покажува дека некои институции и понатаму продолжиле да не го почитуваат правилото за прецизно дефинирање на елементите за евалуација на понудите. Па така наместо квалитетот на понудите, во некои тендери се цени, главно, искуството на фирмите-понудувачи. Центарот за граѓански комуникации регистрираше дека во пораст е и проблемот со поништување на поголемите тендери оние за набавка на стоки и услуги во вредност поголема од 20.000 евра, но и за изведување на работи над 50.000 евра..Нотирано е и дека постои растечки тренд на донесување одлуки за поништување на ваквите тендери главно поради тоа што проценетата вредност на набавките е пониска од понудената од фирмите. Компаративната анализа на македонското законодавство со седум европски земји, констатира Центарот за граѓански комуникации укажува дека ниту една од нив не креира т.н. „црна листа“ на понудувачи на кои им е забрането учество во јавните набавки за одреден период (1 до 5 години) како последица на активирање на банкарските гаранции.