Без паника:Македонскиот пазар нема производи со коњско наместо говедско месо
Објавено во: Агробизнис 11 Февруари, 2013
На македонскиот пазар нема смрзнати лазањи со говедско месо од шведскиот бренд „Финдус“, потврдија денешните инспекциски контроли.
Како што соопшти Агенцијата за храна и ветеринарство, контролите се спроведени веднаш по добиеното известување од британската Агенција за безбедност на храната дека смрзнатата храна од одредени производители, наместо говедско, содржи голем процент коњско месо.
- Во конкретниот случај, не станува збор за проблем поврзан со безбедноста на храната, туку со декларирањето, поточно со прекршок кој се однесува на измама на потрошувачите, наведува Агенцијата.
Агенцијата за храна и ветеринарство ќе продолжи со засилен мониторинг на операторите со храна во земјава и со следење на состојбата на европскиот пазар.
Засега е потврдено дека лажно декларирано месо се продавало во Велика Британија, Франција, Шведска, Ирска и Романија, а како што пренесува Би-Би-Си, го имало и на пазарите во уште 11 европски земји.
Се смета дека Кипар и Романија се земјите од каде што потекнува спорното месо. Француската компанија „Поујол“ набавувала од кипарски трговци, а Холандија од две романски месарници. „Поујол“ ја снабдувал луксембуршката фабрика, сопственост на француската групација „Комигел“, а месото потоа е продавано како дел од готовите замрзнати јадења на шведскиот производител „Финдус“ кој за овој скандал, пак, ги обвинува своите романски добавувачи. Откриено е дека анализираните примероци со „говедско месо“ содржат 60 до 100 отсто коњско месо.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
