Безбедносен робот се судри со бездомници
Објавено во: Свет 14 Декември, 2017
Можеби звучи како наслов од дистописки научно-фантастичен филм, но за прв пат се бележи вистински судир меѓу робот и луѓе кој можел да доведе до посериозни инциденти. Компанија за спречување на насилство врз животни активирала специјален безбедносен робот кој патролирал низ нивниот имот и паркиралишта во Сан Франциско со цел да спречи бездомни лица таму да престојуваат.
Роботот K5 е опремен со камери и сензори и може да се управува од далечина, но и самостојно да извршува операции за кои е програмиран. Сепак, неговите активности довеле до поголем гнев кај бездомниците кои го нападнале и попрскале со сос за скара нанесувајќи поголема штета.
Компанијата не може да очекува надомест за штетата, ниту пак да ги тужи бездомниците бидејќи роботот оперирал без дозвола од властите, па дури ако продолжат да го користат ќе се соочат со високи парични казни.