БХ Ерлајнс, Ер Свиден и Алба Стар Ерлајнс наскоро ќе летаат до Скопје!

Добивај вести на Viber

Македонските граѓани ќе можат да летаат за Базел, Умеа, Копенхаген и Сараево веќе на пролет Три нови авиокомпании доставија барање до Агенцијата за цивилно воздухопловство за да се вклучат во редовниот и во чартер авиосообраќајот во зимската и летната сезона, дознава Фактор. Шведската авиокомпанија Ер Свидан АБ (Air Sweden AB) од 28 февруари до 30 март, ќе почне да нуди редовни летови од и до македонскиот аеродром Александар Велики. По издавањето на дозволата од страна на Агенцијата за цивилно воздухопловство, компанијата ќе лета на релација Умеа, Шведска – Копенхаген, Данска –Скопје, Македонија и обратно, два пати неделно, во понеделник и петок. Од компанијата најавуваат дека најверојатно ќе се вклучат и во летната сезона од редовниот авиосообраќај кон земјава, на истите дестинации и во истите деновиви, до 18 мај годинава. Покрај Ер Свидан, од 1 април годинава на релација Сараево-Скопје и обратно ќе почне да лета и Босанската национална авио компанија БХ Ерлајнс. „И оваа авиокомпанија достави барање до Агенцијата за цивилно воздухопловско за вклучување во редовиот авио сообраќај кон земјава. Со летниот ред на летање, компанијата ќе оперира од Скопје до сараево и обратно четири пати неделно (во понеделник, среда, петок и недела). Во чартер летовите пак, во рамките на зимскиот ред на летање, од 27 јануари до 31 март, ќе се вклучи и шпанската компанија Алба Стар Ерлајнс на релација Рим - Скопје- Скопје – Рим“, велат од Агенцијата за цивилно воздухопловство. Од 3 февруари пак, до 31 март, во недела, Алба Стар Ерлајнс ќе оперира од Скопје до Базел, од Базел до Скопје и од Скопје ќе слета во Рим. К.П.