Бидете модерен и елегантен: Какво одело да изберете за новогодишната вечер?

Добивај вести на Viber

Остана уште помалку од една недела до „најлудата вечер во годината“. Во зависност од прославата на која сте договорени да присуствувате, ние Ви нудиме неколку одела кои ќе направат да изгледате како модерен, но и елегантен господин.

1. Кежуал изглед

Доколку сакате да изгледате опуштено и тренди, може да изберете покежуал одело во сива боја. Може да носите блуза или џемпер, а дозволено е целокупниот изглед да го искомбинирате со патики.

2. Елегантно одело

Со ова одело во една од најпопуларните бои за оваа сезона, нема никако да погрешите. 100% волна и тренди дезен со квадрати се полн моден погодок. Може да го комбинирате со кошула во посветла сина боја, и со потемни кондури.

3. Класично одело

Класичниот минималистички изглед никогаш не излегува од мода. Доколку не сакате многу да експриментирате, најдобро е да изберете вакво одело во црна или дуга темна боја, кое лесно се комбинира.

4. Тренди дезен

Доколку сакате малку да излезете од сојата удобна зона, а во ист момент да изгледате модерен, предлагаме да изберете вакво одело. Станува збор за изразен дезен со квадрати кој е во тренд сезонава, а во исто време дозволува комбинацијата да премине во покежуал стил.

5. Карирано одело

Последно на нашата листа, но не и помалку важно. Оделото со кариран дезен е хит сезонава. Доколку на новогодишната вечер се појавите со ваков стил, Вие ќе оставите впечаток на господин со стил, кој ја познава модата.