БиХ: Шест години градат 5 километри автопат!

Добивај вести на Viber

Првиот дел од обиколницата во Сараево, во должина од пет километри конечно ќе биде завршен на 22-ри мај, шест години по отпочнувањето на градежните работите. Фактот дека, во просек, се градел помалку од еден километар автопат годишно, се чини дека станува збор за најбавно реализиран проект во регионот, а веројатно и во Европа, пишува босански Дневни аваз. „Проектот за изградбата на обиколницата на Сараево, делницата Јошаница - Бутил, со сообраќајната клучка, според договорот потпишан со изведувачот Штрабаг и HP инвестинг требаше да биде завршен на 26 април, но поради лошите временски услови, изведувачите не побараа продолжување на договорот до 22 мај , соопштија од „Cestama Federacije ", во чија надлежност е оваа делница. Оттаму додаваат и дека, според моменталната состојба на теренот, овој рок најпосле ќе биде испочитуван. Овој проект беше прво доделен словенечкиот „SCT“, но конзорциумот банкротираше. По паузата, работа за продолжување на градењето ја добија Штрабаг и HP инвестинг кои требаше работите да ги завршат есента, но нивниот рок беше продолжуван неколку пати. Изградба на вториот дел, од Бутил до Ступа исто така сеуште не е завршена. Изградбата на третиот дел на делницата ја презедоа на запленетата „Autoceste FBiH", кои преговараа со доверителите за тоа како да се направи избор на нов изведувач поради фактот што веќе е изгубено многу време.