Бишев- нов Главен извршен директор во Шпаркасе

Добивај вести на Viber

Управниот одбор на Steiermärkische Bank und Sparkassen AG од Грац, стратешкиот акционер на Шпаркасе Банка Македонија АД Скопје, постигна договор со г-динот Глигор Бишев за негово назначување за нов Главен извршен директор и Претседател на Управен одбор на Шпаркасе Банка Македонија АД Скопје. Актуелниот Главен извршен директор, г-ѓа Александра Радиќ, останува во Банката, како член на УО  и ќе продолжи да има клучна менаџмент улога како Главен директор за ризик. Се очекува г-динот Бишев да ја преземе функцијата по добивањето на потребните регулаторни одобрувања за негово назначување, пред сé согласноста од Народната Банка на Република Македонија, како и по истекот на договорениот период за предавање на функциите на новиот менаџерски тим на Стопанска Банка АД Скопје, каде што г-динот Бишев ја извршува функцијата Главен извршен Директор, Претседател на Управен одбор. -Глигор Бишев е еден од најпризнаените банкари со долгогодишно искуство во Република Македонија и неговата професионална експертиза и постигнувања се широко признаени. Ме радува неговата одлука да се приклучи на врвниот менаџерски тим на нашата Групација, позитивно препознавајќи ги нашите стратешки планови за Македонија и регионот“, изјави Сава Далбоков, член на Управниот одбор на Steiermärkische Sparkasse и Претседател на Надзорниот одбор на Шпаркасе Банка Македонија. -Претстојното назначување на г-дин Бишев е главен чекор во оваа насока и одлично надополнување на нашиот постоечки менаџмент тим“- изјавува Далбоков. Како долгорочен стратешки инвеститор во Македонија, Steiermärkische Sparkasse е посветена цврсто да ја позиционира Шпаркасе Банка Македонија помеѓу водечките финансиски институции во земјата, препознатлива по сигурност, ефикасност, професионална експертиза и квалитет на услуга.