Бизнисменот од Батинци загинал во сообраќајка со соселанец
Објавено во: Македонија 16 Декември, 2021
Министерството за внатрешни работи соопшти детали за сообраќајката во скопското село Батинца, каде загина Н.Р.(49) од истото населено место крај Скопје, инаку лице за кое медиумите тврдат дека бил познат тамошен бизнисмен. Според полицискиот извештај, сударот се случил со жител од истото село.
„На 15.12.2021 околу 20.05 часот во СВР Скопје било пријавено дека во с.Батинци, скопско, се случила сообраќајна несреќа помеѓу патничко возило „шкода октавија“, со скопски регистарски ознаки, управувано од Н. Р.(49) од с.Батинци и патничко возило „БМВ“, со скопски регистарски ознаки, управувано од А.Х.(26) од с.Батинци. По несреќата Н.Р. бил пренесен во Ургентен центар при Комплекс клиники „Мајка Тереза“, каде била констатирана смрт“, се вели во соопштението на МВР.
А.Х. се здобил со телесни повреди констатирани во Комплекс клиники „Мајка Тереза“. Увид на местото на несреќата извршила увидна екипа од СВР Скопје, а по наредба на Јавен обвинител телото на починатиот било предадено на обдукција.