„Близу“ казнет во Бугарија, ветил 150 емитувал 112 програми

Добивај вести на Viber

Бугарскиот врховен административен суд (ВАС) ја потврди казната од 30 379 лева, изречена на компанијата „Близу" во октомври 2011 година бидејќи со своите реклами на интернет и брошурите за претплата за понудениот ТВ пакет, ги довела во заблуда своите потрошувачи. Како што пренесуваат бугарските медиуми, во рекламните материјали операторот тврдел дека нуди пакет со дигитална телевизија со над 150 програми, интернет и фиксна телефонија, а во случајот пред суд е докажано дека во пакетот, бројот на ТВ програми бил помал од објавениот. Наместо 150, бројот на достапните телевизии бил 112. Одлуката на судот е конечна и не може да биде поднесена жалба. Во октомври 2011 година антимонополската комисија ја казни компанијата, со 0.03% од нејзините нето приходи за 2010 година, по жалбата на конкурентот „Нет 1". Причината казната да биде толку ниска,  според Комисјата за заштита на конкуренцијата е дека „Близу" го рекламирал својот пакет само на интернет и преку летоци, па не довел во заблудата голем круг на корисници.