Блокиран пристапот до „Твитер“ во Турција поради нападот

Добивај вести на Viber

Некои интернет провајдери во Турција го блокираа пристапот до „Твитер“, што е во согласност со судска одлука, за да се спречи ширењето на слики и видеа од нападот пред два дена, објави висок претставник на владата, цитиран од „Ројтерс“.

Претставникот додал дека регулаторните органи не се вмешани во забраната.

Потсетуваме во понеделникот најмалку 32 политички активисти и волонтери загинаа, а над 100 беа повредени во терористички акт во културен центар во Суруч до границата со Сирија. Турските власти сметаат дека тоа е дело на „Исламска држава“.

Покрај забраната на интернет, тоа се однесува и за некои весници и телевизии.

Повеќе корисници на интернет се пожалија по турските форуми дека немаат пристап до „Твитер“.

Земјата неколку пати ги блокира социјалните мрежи од различни причини, но Уставниот суд на Турција одлучи дека тоа е кршење на човековите права.

Во меѓувреме двајца турски полицајци се пронајдени мртви во југоисточниот град Джеиланпинар, во близина на сириската граница, објави локалниот гувернер.

Не е јасно дали нападот е поврзан со тероризам. Според локалните медиуми двајцата полицајци се пронајдени мртви во станбена зграда. „Хуриет“ забележува дека и двајцата се застрелани во главата.

Во исто време премиерот на Турција, Ахмет Давутоглу претседаваше со состанокот на кабинетот. Дискутирале за затегнување на мерките за безбедност на границата со Сирија.