Блокирани сметките на двете претпријатија на Македонски Железници?!?

Добивај вести на Viber

Македонските железнички компании се соочуваат со опасност од блокирање на сметките.  Фактор ексклузивно дознава дека Агенцијата за регулирање на железнички сообраќај побарала блокирање на сметките на двете компании, МЖ-Транспорт  и МЖ –Инфраструктура. Според информациите што ги имаме, Агенцијата веќе испратила извршни решенија до двете компании, но, засега никој официјално не сооопштува дали сметките се блокирани или само се стигнати извршни решенија дека ќе бидат блокирани. Владини извори, за Фaктор потврдуваат дека има проблем меѓу двете железнички компании и Агенцијата за регулирање на железничкиот сообраќај, но, велат дека истиот проблем ќе биде надминат во текот на денот. Проблемот го потврдуваат и од железничките комапнии, ама засега, официјално не сакаат да кажат која е причината за можноста од блокирање на сметките. Сепак вработените стравуваат дека ако состојбата не се реши наскоро ќе останат без плати. Проблемите во железницата никако да ги надмине ниту една владејачка гарнитура. Иако, во железницата пред повеќе години имаше и отпуштања, и таа беше поделена на два дела, сепак ниту тоа не помогна во целосно надминнување на состојбите, па сега повторно компанијата се соочува со превработеност и запирање на возови поради неисплатени плати. Власта, за да нема отпуштања, бара начин како дел од вработените да ги префли во државни институции, иако со постапката не се согласуваат синдикатите и таа е доведена под знак прашање, дали воопшто ќе успее да се реализира. Ј.Ј.