БМВ бара 50 милони евра оштета за хибридните автомобили

Добивај вести на Viber

Германскиот производител на автомобили „БМВ“  бара надомест на штета во износ од речиси 50 милиони евра од компанијата „ПСА Пежо Цитроен“, по завршувањето на нивната соработка околу хибридните возила, пренесува германскиот магазин „Wirtschaftswoche“. Според изјавата на висок службеник на „БМВ“, компанијата бара речиси 50 милиони евра оштета поради дополнителните трошоци направени во текот на споменатото партнерство. „ПСА“ и „БМВ“, кои соработуваат последните десет години, во февруари 2011 година најавија продолжување на соработката во областа на технологијата за хибридни возила. Требаше да се инвестираат околу 100 милиони евра во заедничката компанија со 2 седишта во Германија и Франција. Партнерство меѓу двете групации треба што поскоро да биде прекинато, пишува германскиот  магазин. „ БМВ“ ќе продолжат да купуваат мотори од Пежо за „БМВ Мини“ до 2015 година, но после тоа ќе почнат сами да ги произведуваат.  „ПСА“ пак планира во иднина да ја продлабочи соработката со американската компанија „Џенерал моторс“.