Боцевски: Пендаровски е мој претседател и никој нема право да му се заканува
Објавено во: Македонија 25 Јануари, 2023
Амбасадорот Ивица Боцевски застана во одбрана на претседателот Стево Пендаровски, кон кого бугарскиот евопратеник Ангел Џамбаски упати закани.
Боцевски вели дека никој нема право да му се заканува на претседателот.
„Стево Пендаровски е мој претседател и никој нема право да му се заканува со убиство. И покрај сите мои политички разлики со Стево Пендаровски, кои за многу суштински прашања за државата се и повеќе од непремостливи, денеска ми е должност да застанам зад шефот на македонската држава и врховниот командант на вооружените сили на Република Македонија“, напиша на својот Фејсбук-профил амбасадорот Ивица Боцевски.
Ги повика сите македонски, бугарски и европски државни институции да ја осудат оваа изјава, но веднаш да реагираат и сите правосудни органи.
Полицијата најави соодветен одговор по заканите кон претседателот. Бугарија се заканува дека ќе стави вето на преговорите на Македонија со Европската Унија (ЕУ).