БОМБИ ПАЃААТ НА СЕКОИ 10 МИНУТИ: Во училиште во Газа загинале најмалку 52 луѓе
Објавено во: Свет 04 Декември, 2023
Од УНИЦЕФ велат дека во Газа на секои 10 минути паѓаат бомби. Директорот на болницата Ал-Ахли во градот Газа изјави дека во израелскиот напад врз училиштето Салах ал-Дин загинале 52 лица, пренесе катарскиот ТВ канал Ал Шарк.
Портпаролот на УНИЦЕФ, Џејмс Елдер, изјави дека никој не се чувствува безбеден во јужниот дел на Појасот Газа затоа што бомбите паѓаат приближно на секои 10 минути и изрази сериозна загриженост поради израелската воена акција во енклавата бидејќи Палестинците немаат каде да одат.
Елдер рече дека ужасот што се случи на северот на Газа сега се повторува и на југот од енклавата, иако Палестинците се евакуирани во областа од северот, бидејќи израелската армија дала гаранции дека таму ќе бидат безбедни, објави Би-Би-Си.
Елдер додаде дека сега Палестинците во јужниот дел на Газа се изложени на постојана опасност, и тие се веќе уморни од раселувања.
Тој потенцираше дека ниту тој не се чувствува безбедно, а никој друг не може да се чувствува безбедно на југот на Појасот Газа бидејќи, ниту болниците, ниту засолништата не се сигурни места.
На 7 октомври, Хамас почна со напади на Израел. Потоа израелската армија почна со операција во Газа за уништување на палестинската терористичка група.Израелската армија денеска соопшти дека не е точно дека знаела за планот на палестинската група Хамас за преминување на границата и за напад на југот на земјата, на 7 октомври.
Можеби ќе ве интересира
ЕДЕН УРАГАН ЈА УНИШТИ АМЕРИКА, ДРУГ СТИГНА ВО ЕВРОПА: застрашувачко предупредување, метеоролозите никогаш не го виделе ова
Блумберг: 14 земји-членки на НАТО ги зголемија трошоците за одбрана на невидено ниво по падот на комунистичките режими
Пилот на Туркиш Ерлајнс почина за време на лет од Сиетл до Истанбул
ФОН ДЕР ЛЕЈЕН ГО НАПАДНА ОРБАН: Го изневеривте унгарскиот народ со приближувањето до Путин
ЗИМСКИТЕ ЦЕНТРИ ПРЕД ЗАТВОРАЊЕ: Недостигот на снег го менува туризмот во Алпите
„КИРК“ ДОАЃА ВО ЕВРОПА: Ќе предизвика значителни последици
ПОРАНЕШНИОТ ШЕФ НА МИ6, АЛАСТЕР КРУК, „Израел станува сè послаб и трпи големи загуби, Иран испрати јасна порака до САД“
ЕВЕ КАКО ИЗГЛЕДА АПОКАЛИПТИЧНИОТ „МИЛТОН“ ОД ВСЕЛЕНАТА: „Американци, спасувајте се - веднаш!“
ПАСОШ ВО ВАШИОТ ТЕЛЕФОН: Побрза и поедноставна гранична проверка - се воведуваат нови дигитални документи
