Борисов си даде оставка поради скапата струја, се распушти бугарската Влада

Добивај вести на Viber

По масовните протести во земјата за високите цени на струјата кои не стивнуваа последните неколку дена, бугарскиот премиер Бојко Борисов даде оставка и ја распушти бугарската Влада. „Не сакам да учествувам во Влада во која полицијата ги тепа граѓаните. Имаме достоинство и чест. Народот нас ни ја довери власта, а ние денеска им ја враќаме“ изјави Борисов пред бугарскиот парламент. До ваков развој на полтичката ситуација доаѓа четири месеци пред закажаните редовни парламентарни избори и една недела дена по започнувањето на протестите на граѓаните против високите сметки за струја. Според изјавата на Борисов, тој не планира да биде дел од привремената Влада пред парламентарните избори планирани за јули. Протестите добија драматични размери кога синоќа во центарот на Софија дојде до судири на групи демонстранти со полицијата при што 11 лица беа повредени, а 23 приведени. Повеќе од две илјади луѓе демонстрираа и во Варна, а протести имаше во девет други градови во државата.Бранот протести кој во најсиромашната држава во ЕУ почна пред околу една недела а незадоволните граѓани бунтуваа против сметките за струја надминале вистински цени за потрошена енергија за околу 120%. Премиерот Бојко Борисов пред да ја распушти Владата се закани дека ќе и ја одземе лиценцата на чешката компанија „ЧЕЗ“ која врши дистрибуција на струја во Бугарија. Државната комисија за енергетско и водно регулирање (ДКЕВР) вчера започна и постапка за одземање лиценца на „ЧЕЗ“. Од компанијата остро реагираа дека одземање на лиценцата е спротивно на законите на Бугарија како членка на ЕУ. „Одлуката на Бугарија да ја одземе лиценцата на ЧЕЗ за пренос и дистрибуција на струја е загрижувачка, изјави чешкиот министер за индустрија и трговија, Мартин Куба, пренесе Ројтерс.Пред само месец ЧЕЗ ја загуби лиценцата и во Албанија.