Босанците се повеќе го продаваат својот златен накит

Добивај вести на Viber

Босна и Херцеговина во последните три години го зголеми извозот на злато за околу десет пати, а лошата финансиска ситуација принуди голем број луѓе да се одлучат да го продаваат својот златен накит, чија вредност неколкукратно се зголеми во последните две години. За осум месеци од оваа година, вредноста на извозот на овој благороден метал изнесува околу 15 милиони евра (30 милиони конвертибилни марки), а во 2010 година само 1,8 милиони евра (3,6 милиони конвертибилни марки“. Според податоците на Управата за индиректно оданочување на БиХ, едниот дел од златото собрано од граѓаните се топи и се извезува во златни прачки, но во најголемиот дел се извезуваат златни предмети во обликот во кој се откупени. Ваквите скапоцености најчесто се извезуваат во Турција, Италија, Словенија, Австрија, Германија и Хрватска, а се’ повеќе жители што се одлучуваат да го продадат златото што го имаат, што го потврдуваат и златарите и фирмите што го откупуваат златото ширум земјата.