Брегу: Одлагањето на датум за преговори со Северна Македонија и Албанија е ризик
Објавено во: Македонија 08 Јули, 2019
„Цената на стагнацијата и натамошно одлагање на одлуката за отворање на преговорите со Албанија и со Северна Македонија, кратко речено, претставува ризик“ - оцени денеска генералната секретарка на Регионалниот совет за соработка Мајлинда Брегу.
„Било кој позитивен чекор може брзо да се распадне доколку перспективата за членство и натаму продолжи да се пролонгира“, додаде Брегу.
Зборувајќи на отворањето на 11-от годишен состанок на РСС, кој се случува во рамките на висок состанок на Процесот за соработка во ЈиЕ, што се одржува денеска во Сараево, Брегу додаде дека мора да се работи заеднички на решавање на билатералните проблеми, „а нема подобар момент за почеток од сега, посебно со оглед на тоа што две членки на Процесот за соработка во ЈиЕ (С. Македонија и Бугарија), заеднички го преземаат претседавањето со Берлинскиот процес, со што ќе се зголелми одговорноста на регионот за овој процес“
На денешниот состанок РСС, како што соопшти организацијата, доби целосна поддршка од ЕУ и за во иднина, во чије име зборуваше директорката Европската служба за надворешно делување за Западна Европа, Западен Балкан и Турција (ЕЕАС), Ангелина Еихорст.