Британците инвестираат во Македонија, Македонците – на Сент Винсент и Гренадини!

Добивај вести на Viber

Лани во Македонија влегле вкупно 251,5 милиони евра странски директни инвестиции. Според податоците на НБРМ, 147,4 милиони евра се акционерски капитал и реинвестирана добивка, додека 31,2 милиони евра се побарувања, а  135,2 милиони евра се  обврски. За разлика од 2012 година година кога имаше значително помал борј на странски директни инвестиции, годинава има значителен раст, но сепак се далеку од 2011 година. Според податоците на НБРМ,странските директни инвестиции во 2012 година изнесуваа само 72 милиони евра, кога имаше и одлив на капитал од земјава, за разлика пак од тоа во 2011 година нивото на странски директби инвестиции во Македонија достигна 336,8 милиони евра. А еве како изгледаа странските директни инвестициите по години

• 2010 година                        160,0 милиони евра
• 2009 година                        145,0 милиони евра
• 2008 година                        399,9 милиони евра
• 2007 година                        506,0 милиони евра
• 2006 година                        344,8 милиони евра
• 2005 година                          77,2 милиони евра
• 2004 година                        260,7 милиони евра
• 2003 година                        100,4 милиони евра

Според податоците од НБРМ, најголем дел од странските директни инвестиции во Македонија доаѓаат од Обединетото Кралство, потоа од  Австрија, а на трето место според висината на инвестициите од минатата година е Германија. Додека пак, најголем одлив од Македонија, кој достигнува износ од 38,25 милиони евра имало на Сент Винсент и Гренадини.

• Обединето Кралство                44,63 милиони евра
• Австрија                                       36,54 милиони евра
• Германија                                    27,07 милиони евра
• Турција                                         13,87 милиони евра
• Белгија                                          11,92 милиони евра
• Грција                                           10,40 милиони евра
• Холандија                                    10,17 милиони евра
• Словенија                                    7,71 милиони евра
• Кипар                                            8,78 милиони евра
• Италија                                         6,75 милиони евра
• Хрватска                                      5,96 милиони евра
• Швајцарија                                  5,80 милиони евра

За годинава, Владата најавува дека очекува нивото на странски директни инвестиции да биде приближно како во 2011 година. Односно да биде околу 350 милиони евра. Министерот за економија Ваљон Сарачини пред неколку дена изјави дека токму доѓањето на странските инвеститори во земјава придонесе за зголемување на извозот. „Во 2013 странските инвестиции придонесоа да се реализира извоз од 760 милиони евра, што е 25 отсто од вкупниот извоз на Македонија, или 20 проценти повеќе од извозот во 2012 година“, изјави министерот за економија Ваљон Сарачини. Р.Ф