Британците не сакаат Бугари и Романци да им ја земаат работата

Добивај вести на Viber

Речиси половина од Британците се со став дека на Романците и Бугарите не треба да им се дава право да живеат и работат во Велика Британија. Според социолошкото истражување на Channel 5 дури 47% од Британците сметаат дека имигрантите од двете земји не може да имаат право да живеат, работат и да добиваат социјална помош во Велика Британија. 56 отсто од испитаниците пак мислат дека имигрантите влијаат негативно врз нивната земја. Според истражувањето само една четвртина од анкетираните сметаат дека Романците и Бугарите треба да бидат третирани како останатите жители на ЕУ. Осумнаесет од сто мислат дека жителите од овие две земји треба да имат ограничени права за живот и работа и да  го користата британскиот систем за социјалан помош. Истражувањето е спорведено откако Daily Telegraph објави дека МВР на Британија нема отфрлено ниту една молба на британски работодавач за прием на работници од Бугарија од 2007та година до сега. Анкетата спроведена во Британија предизвика навистина голем револт кај источниот сосед. Иако и досега беше јасно дека Велика Британија нема големи симпатии кон работниците од Бугарија и Романија сепак Софија очигледно не очекувала вакви бројки. Амбасадорот на Софија во Лондон тврди нема информаци оти некој работодавач кој прима работник од Бугарија бил одбиен  иако според него граничните службеници имале инструкции да ги одбиваат молбите ако за соодветното работно место имало кандидат од Британија. Бугарскиот амбасадор бара, бугарските жители кои се населуваат во Британија да не бидат нарекувани имигранти, револтиран од потегот бидејки тврди тој и неговата земја е дел од ЕУ исто како и Британија. К. К.