Брнабиќ ги искара КФОР и ЕУ дека нивната реакција на Косово е задоцнета

Добивај вести на Viber

Српската премиерка Ана Брнабиќ вели дека нема ниту еден добар збор да каже за партнерите во ЕУ и КФОР и дека тие задоцнија. 

Вели ека ситуацијата на Косово е тешка и дека и се чини дека никогаш не било потешко.

„Благодарам на нашиот народ во Косово што е достоинствен до тој степен што е неверојатно, што е мирољубив, што пружи ненасилен отпор, што се бори за своето име и презиме, за своите домови и за државата Србија. Се чини дека специјалните единици на косовските сили, а се чини дека КФОР и НАТО едвај чекале нешто да направат Србите, за да реагираат. Немам ниту еден убав збор да кажам за нашите партнери во ЕУ и КФОР, нивната реакција беше задоцнета, требаше да бидат во петок вака како денеска“, изјави таа.

Премиерката рече дека тие денес не ја штитат демократијата „туку узурпаторите – од демократијата и од обичните луѓе и дека тоа мора да продолжи за да се зачува мирот. 

Шефот на дипломатијата, Ивица Дачиќ, денеска изјави дека меѓународната заедница сега треба да преземе што ѝ налагаат законите и меѓународните обврски, односно да обезбеди безбедност и стабилност за Србите на Косово. Во интервју за РТС, Дачиќ изјави дека ескалацијата на неодговорното однесување на Приштина, што предизвикува конфликтни ситуации, трае со месеци. Тој кажа дека нема да дозволат српски жртви. 

Според рускиот министер за надворешни работи, Сергеј Лавров, ситуацијата во Косово е алармантна и ќе се случи експлозија во центарот на Европа. 

Инаку, на изборите кои Србите ги бојкотираа, победија градоначалници од албанска националност и тие ќе ги управуваат српските општини на север. За Србите овие градоначалници се нелегитимни. Тие бараат формирање Заедница на српски општини, нешто што Косово го одолговлекува веќе десет години.