Бројот на превезени патници намален - кој вид на превоз трпи најмногу?

Добивај вести на Viber

Во третото тримесечје од 2016 година, во однос на истиот период од 2015 година, вкупниот број на превезени патници во патниот патнички превоз е намален за 0.9%. 

Според податоците на Државниот завод за статистика, и според видот на превозот, бројот на превезени патници во градскиот превоз е зголемен за 0.5%, во меѓународниот превоз за 13.4%, додека во приградскиот превоз е намален за 0.8%, а во меѓуградскиот превоз намалувањето изнесува 10.5%. 

Во однос на второто тримесечје од 2016 година, вкупниот број на превезени патници е намален за 20.5%. 

Според видот на превозот, во градскиот превоз е забележано намалување за 19.9%, во приградскиот превоз за 26.3%, во меѓуградскиот превоз за 3.1%, додека во меѓународниот превоз е забележано зголемување за 39.0%. 

Во третото тримесечје од 2016 година, во однос на истиот период од 2015 година, вкупниот број на патнички километри во патниот патнички превоз е зголемен за 1.2%. 

Според видот на превозот, бројот на патничките километри во градскиот превоз е намален за 11.0%, во меѓуградскиот превоз за 9.9%, додека во приградскиот превоз е зголемен за 17.0%, а во меѓународниот превоз зголемувањето изнесува 8.6%. 

Во однос на второто тримесечје од 2016 година, вкупниот број на патничките километри е зголемен за 6.1%. 

Според видот на превозот, во меѓународниот превоз е зголемен за 71.1%, во градскиот превоз е намален за 27.4%, во приградскиот превоз за 10.9%, додека во меѓуградскиот превоз намалувањето изнесува 0.1%.