Бројот на вработени во индустријата продолжува да паѓа

Добивај вести на Viber

Индексот на бројот на работниците во индустријата во  ноември 2012 година, во однос на ноември 2011 година, изнесува 99,3, соопшти Државниот завод за статистика. Според податоците, бројот на работниците во индустријата во ноември 2012 година, во однос на ноември 2011 година, бележи пад од 0,7 отсто, со што нивниот број паѓа 13 -ти месец по ред. Најдрастичен пад на бројот на вработени е забележан во делот поправка и инсталирање машини и опрема, -29% и кај производството на моторни возила и приколки, -11%. Бројот на работници во секторот рударство и вадење камен во ноември 2012 година бележи пораст од 9,0% во однос на ноември  2011 година, во секторот преработувачка индустрија бележи опаѓање од 2,0%, а во секторот снабдување со електрична енергија, гас, пареа и климатизација пораст од 3,3%. Според главните индустриски групи, бројот на работници во индустријата во ноември 2012 година бележи опаѓање во однос  на ноември 2011 година кај интермедијарните производи (освен енергија) за 3,6%, кај капиталните производи за 9,3%, кај трајните производи за широка потрошувачка за 7,9%, додека кај енергијата бележи пораст од 9,5% . Индексот на бројот на работници во индустријата во периодот јануари-ноември 2012 година во однос на периодот јануари-ноември 2011 година изнесува 97,5 односно бројот на работниците во индустријата бележи пад од 2,5 отсто.