Ревизија на проектот „Скопје 2014“ во Центар: Бронзениот споменик поскап од мермерниот?

Добивај вести на Viber

Ревизијата на проектот „Скопје 2014“ за општина Центар, во која беа вклучени Слаѓана Тасева и Драган Малиновски покажала бројни неправилности. Денеска беа објавени наодите за проектот каде комисијата утврди дека тој бил незаконски спроведен во повеќе сегменти. Направилности имало при склучувањето договори со второ-рангирани автори, спомениците се поставувале без потребната иницијатива, се менувале планови, се преплаќале споменици. Како најпластичен пример беше посочен споменикот на Никола Карев, кој иако бил платен како да е изработен од мермер, сепак бил излиен во бронза и за него биле побарани 10 пати повеќе пари од предвидените. „За Карев во тендерот стои 4 милиони денари за бронза , градоначалникот по 15 дена носи ново решение за 45 мил денари во мермер, но тој е се уште во бронза“, изјави на прес конференцијата Слаѓана Тасева. Во случајот со споменикот на Ченто иако првично требало да се платат 65 илјади евра, крајната сума пораснала над и милион евра. Голем проблем според Комисијата е и тоа што претходниот градоначалник не постапил согласно неговата надлежност за контрола на прописите кои ги носи Советот, а насочувањето на пари за објектите од проектот од централниот на буџетот на општината се законски неоправдани. Ревизијата покажала дека Општината Центар направила и два моста и две фонтани на реката Вардар за чие корито е надлежен само градот Скопје. За нив се дадени над 5 мииони евра. Од Комисијата порачаа дека сите наоди ќе ги предадат на обвинителството. На ваквие наводи реагираше ВМРО – ДПМНЕ. Оттаму соопштија дека ако имало нешто незаконско, веројатно СДСМ и Жерновски на пресот ќе играле оро на чело со Бранко Црвенковски. „Од наши извори во општината знаеме дека комисијата се изнамачила да формира заклучоци кој ќе звучат негативно за проектот, а притоа да нема да има можност оние кои ги искажуваат обвиненијата да бидат тужени за клевета. Ова е само начин опозицијата да најде причина да им плати хонорари на Тасева и Драган Малиновски и на општинска сметка да ја поминат половина година за нивните услуги во јавните настапи критички кон ВМРО-ДПМНЕ, туку пред се затоа што сите проекти во општината се законски и транспарентни“, стои во соопштението од ВМРО ДПМНЕ.