Буданов откри до кога Русија може да издржи да војува

Добивај вести на Viber

Нема да има „победничка парада“ ни во Москва ни во Киев, вели шефот на украинското разузнавање, Кирило Буданов.

Toj рече дека додека Украина добива западно оружје, нема да биде поразена од Русија – но ниту една страна нема да може да постигне целосна победа.

Во интервјуто за Економист објавено во неделата, Кирило Буданов ја отфрли идејата дека воената помош за Киев од страна на САД и нивните сојузници ќе престане од неопходност.

„Магацините на Запад не се целосно празни. Без разлика што некој ќе каже. Ова можеме многу јасно да го видиме како разузнавачка агенција“, изјави Буданов.

За разлика од Русија, Украина во голема мера се потпира на странска поддршка, призна тој, истовремено тврдејќи дека ресурсите на Москва веќе се намалуваат. Буданов кажа дека руската економија може да издржи само до 2025 година, а протокот на оружје ќе заврши до следната година. 

„Ние разбираме дека нема да ја завршиме војната со победничка парада во Москва. Но, ниту Москва никогаш не треба да се надева дека ќе го одржи во Киев“, рече тој.

Шефот на военото разузнување тврди дека има „нула“ цивилни жртви во Русија од „неговите сили“ благодарение на намерната одлука донесена од Киев. Руската инвазија на Украина почна лани на 24 февруари. Украина не планира да прави компромис за територии со Русија. Украина неодамна го гаѓаше Крим, уништи руски бродови, а редовно напади со дронови има на руска територија. 

Од денес, Меѓународниот суд на правдата во Хаг ги сослушува аргументите на Украина и Русија за можно кршење на Конвенцијата за геноцид.