Добивај вести на Viber
Околу еден милион туристи и над 3,5 милиони ноќевања очекуваат годинава хотелиерите на ривиерата на Будва.
Според претседателот на Општина Будва, Лазар Раѓеновиќ оваа година не е потребно да се прават големи напори за да има голем број туристи во Будва во јули и во август, но целта е да се продолжи сезоната.
„Целта која ја бараме во Будва не е далеку, а се работи за тоа туристичката сезона да трае цела година а општината ќе го постигне тоа со организирање бројни манифестации вон главната сезона“, изјави Раѓеновиќ.
Според него, вториот аспект е изработка на стратешки план за дефинирање на развојот на оние дејности кои би го дале посакуваниот придонес. Тој потсети дека на ривиерата во Будва има околу 100 мали и големи хотели.